14.09c
Երեվան
ուրբ, ապր 19
ՌԴ նախագահ Վլատիմիր Փութինը Տաճիկստանի նախագահ Էմոմալի Ռահմոնի հետ զրոյցի ժամանակ նշած է, որ իր շրջապատին մէջ «Քորոնա» ժահրի յայտնաբերուած դէպքերու հետ կապուած՝ ան պէտք է պահպանէ ինքնամեկուսացման ռեժիմը։ Այդ մասին, ТАСС-ի հաղորդմամբ՝ յայտնած են Քրեմլէն։
«Վլատիմիր Փութինը յայտնած է, որ իր միջավայրին մէջ «Քորոնա» ժահրի յայտնաբերուած դէպքերու հետ կապուած՝ ան պէտք է որոշ ժամանակ պահպանէ ինքնամեկուսացման ռեժիմը»,- ըսուած է հաղորդագրութեան մէջ:
Հաշուի առնելով այդ՝ Ռուսաստանի նախագահը այս շաբաթ Տուշանպէի մէջ նախատեսուած ՀԱՊԿ հաւաքական անվտանգութեան խորհուրդի նստաշրջանին, Շանհայի համագործակցութեան կազմակերպութեան պետութիւններու ղեկավարներու խորհուրդին եւ ՀԱՊԿ-ի եւ ՇՀԿ-ի անդամ պետութիւններու ղեկավարներու համատեղ հանդիպման պիտի մասնակցի տեսակապի միջոցով, յստակեցուցած են Քրեմլէն:
