Մենք պէտք է աշխատենք թուլացնել ստեղծուած լարուածութիւնը. Փաշինեանի դիտարկումը

Մենք պէտք է աշխատենք թուլացնել ստեղծուած լարուածութիւնը. Փաշինեանի դիտարկումը

Հակառակ որ այս պահուն ԼՂ շփման գիծի երկայնքով աշխոյժ մարտական գործողութիւններ չկան, իրադրութիւնը, ըստ ԼՂ շխանութիւններու գնահատականի, կը շարունակէ մնալ ծայրայեղ լարուած: Այս մասին, այսօր՝ 4 օգոստոսին, կառավարութեան նիստին յայտարարած է վարչապետ Նիկոլ Փաշինեան:

«Մենք պէտք է աշխատենք այդ լարուածութիւնը թուլացնելու ուղղութեամբ: Ընդգծեմ, որ 2020-ի նոյեմբերի 9-ի պայմանաւորուածութիւնների բոլոր կէտերով Հայաստանը կռուցողական բանակցութիւնների վարման քաղաքականութիւն է իրականացնում ի  նպաստ տարածաշրջանում խաղաղութեան եւ կայունութեան հաստատման ու ամրապնդման»,-ըսած է ան:

Փաշինեան նշած է, որ Ատրպէյճանը կը յայտարարէ, թէ Հայաստանը պարտաւորուած է Ատրպէյճանի արեւմտեան շրջանի եւ Նախիջեւանի միջեւ կապը ապահովել. «Այո, մենք այս ընթացքում այսօր էլ պատրստ ենք այդ կապն ապահովել: Էդ Ատրպէյճանն է, որ չի օգտւում մեր ընձեռած հնարաւորութիւններից: Մենք այսօր էլ ասում ենք, որ ՀՀ օրէնսդրութեամբ սահմանուած կարգով, ինչպէս կարգն է, եկէք հատէք Հայաստանի սահմանը եւ գնացէք Ատրպէյճան: Մենք նաեւ դեռեւս նախորդ տարուանից ունենք մաքսային ծառայութեան կէտ եւ սահմանային ծառայութեան կէտ, եւ մենք ասել ենք Ատրպէյճանին, որ ցանկացած պահի այդ կէտերը կարող են հատել եւ կապ հաստատել Նախիջեւանի հետ:

Ինչ վերաբերում է նոր կառուցուող ճանապարհներին, եռակողմ յայտարարութեան մէջ յստակ ընգծուած է, որ դա պէտք է տեղի ունենայ կողմերի համաձայնութեամբ:Մենք ասում ենք, որ այդ ճանապարհների երթուղին համարում ենք երկրորդ հարցը, առաջինը իրաւական ընթացակարգերի ամրագրումն ու գործարկումն է:

Պաշտօնապէս ասում եմ՝ Ատրպէյճանն այսօր մի քանի կէտերով կարող է հատել Հայաստանի սահմանը եւ երթեւեկել մինչեւ Նախիջեւան:

Եթէ բառացի ու տառացի մեկնաբանենք, նշուած է, որ մենք պէտք է ապահովենք Ատրպէյճանի արեւմտեան շրջանների կապը Նախիջեւանի հետ: Ատրպէյճանի ամենաարեւմտեան շրրջանը Ղազախի շրջանն է, մենք պատրաստ ենք, թող գան, հատեն, գնան Նախիջեւան: Մենք երաշխաւարում ենք անվտանգութիւնը ՀՀ օրէնսդրութեամբ սահմանուած կարգով: Մենք դա կարող ոենք ապահովել նաեւ Վարդենիսի հատուածում, Սիսիանի հատուածում, Երասխի հատուածում, Գորիսի հատուածում: Այս ընթացքում Ատրպէյճանը չի էլ փորձել օգտուել դրանից»,-ըսած է Նիկոլ Փաշինեան:

Ան նաեւ դիմած է ՊԵԿ-ի եւ ԱԱԾ-ի ղեկավարներուն՝ յանձնարարելով ապահովել Ատրպէյճանի եւ Նախիջեւանի կապը. «Պարոն Աբազեան եւ պարոն Բադասեան, ես էլի յանձնարարում եմ, որ եւս մէկ անգամ ապահովէք նոյեմբերի 9-ի յայտարարութեամբ այդ հնարաւորութիւնը»: