14.09c
Երեվան
ուրբ, ապր 19
Կեանքէն հեռացած է ՀՀ ժողովրդական արուեստագիտուհի Ժենիա Աւետիսեանը:
Ժենիա Աւետիսեան ծնած է 16 Յուլիս 1941-ին, Երեւան: 1957-ին աւարտած է Երեւանի Տիմոշենքոյի անուան թիւ 39 միջնակարգ դպրոցը: 1957-62 թուականներուն ուսանած է Երեւանի գեղարուեստաթատերական հիմնարկի դերասանական բաժնին մէջ: 1964-էն աշխատած է Երեւանի Գ. Սունդուկեանի անուան ազգային ակադեմական թատրոնին մէջ` որպէս դերասանուհի: Խաղցած է աւելի քան 100 ներկայացման մէջ, որոնցմէ են` Շէյքսփիրի «Օթելլօ» (Պիանքա), Գ. Հաութփմանի «Մայրամուտէն Առաջ» (Ինքէն Փիթըրս), Գ. Սունդուկեանի «Էլի Մէկ Զոհ» (Սալոմէ), «Քանդած Օճախ» (Սալոմէ), «Խաթապալա» (Նաթալիա), «Պեպօ» (Էփեմիա) եւ այլն: Նկարահանուած է աւելի քան 20 ֆիլմի մէջ` «Մարդը Օլիմփոսէն» (1974), «Գիքոր» (1982), «Ճերմակ Անուրջներ» (1985) եւ այլն:
1984-ին արժանացած է Հայաստանի վաստակաւոր, 2004-ին` ժողովրդական արուեստագէտի կոչումներուն: 2011-ին պարգեւատրուած է ՀՀ Պետական առաջին կարգի մետալով, ՀՀ Ազգային Ժողովի նախագահի յուշամետալով, Կիւմրիի «Վարպետաց Վարպետ» ոսկէ մետալով, «Անդրանիկ Զօրավար» միութեան եւ Երեւանի քաղաքապետարանի ոսկէ մետալներով:
