«Լիբանանի նախագահը պիտի զարմացնէ շատ-շատերը». Լայլա Ապտըլ Լաթիֆ

  «Լիբանանի  նախագահը  պիտի զարմացնէ  շատ-շատերը». Լայլա  Ապտըլ Լաթիֆ

Օրերս, արաբական աշխարհի մէջ  ծանօթ անուն  հանդիսացող գուշակ ՝ Լէյլա Ապտ Ալ Լաթիֆ, ընկերային հարթակներով տարածած է  ցնցիչ կանխատեսումներ: Այս մասին «Արեւելք» կը տեղեկանայ  «Damascusms» կայքէն: 

Ըստ աղբիւրին, Լէյլա Ապտ Ալ Լաթիֆ, որ  հիւրը եղած էր լիբանանցի լրագրող եւ հաղորդավար՝ Թոնի Խալիֆայի  յայտագրին,  զրոյցի ընթացքին հաստատած է, որ Լիբանանը կը գտնուի աւելի բարդ հանգրուանի մը  շեմին, նաեւ՝ Լիբանանի նախագահ՝ զօրավար Միշէլ Աուն պիտի առնէ այնպիսի քայլեր, որոնք պիտի զարմացնեն բոլորը եւ ըսած է. «Պէյրութը միշտ պիտի մնայ, որովհետեւ Պէյրութը չի մեռնիր»:  

Ապտ Ալ Լաթիֆ ի պատասխան Թոնիի այն հարցին, թէ կանխատեսումներ ունի՞ Լիբանանի մասին, Պէյրութի նաւահանգիստի պայթումի առընչութեամբ,  որուն զոհ գացին հարիւրաւոր խաղաղ բնակիչներ ու վիրաւորուեցան հազարներ,  ըսած է,- «Զոհերուն հարազատները պիտի սկսին իսկական յեղափոխութիւն մը փոփոխութիւններ պահանջելով»:

Ան աւելցուցած է, թէ յառաջիկային Լիբանան պիտի այցելեն արաբ եւ օտար նախագահներ, անոնց կարգին՝ նախագահ՝ Սիսին, ինչպէս որ կանխատեսած էր նախապէս Մաքրոնի Պէյրութի այցը, «Տեսանելի չեն Լիբանանի տարածքային ջուրերուն մէջ, թէ    քանի գերտերութիւններու ռազմանաւերը պիտի յայտնուին: Սպանութիւնները Լիբանանի մէջ վերջ պիտի չգտնեն», շարունակած է ան:  

Ան նաեւ ըսած է թէ Նախագահ Աուն իր դիրքորոշումներով պիտի զարմացնէ դաշնակիցները, մրցակիցները եւ նոյնիսկ լիբանանցիները: Տոլարի խաղը պիտի շարունակուի եւ պիտի բարձրանայ յատկապէս  սեպտեմբեր ամսուան  աւարտին։

 Աւարտելով իր խօսքը  Ապտըլ Լաթիֆ յարած  է՝ «Այնպէս կը զգամ, որ Սաատ Հարիրին անխուսափելիօրէն վարչապետն է մեր փրկութեան ու լուծումներու կառավարութեան, եւ ան պիտի վերադառնայ ուժով, բայց թէ  երբ՝ այդ  ալ Աստծոյ ձեռքն է»: