26.09c
Երեվան
երք, սպտ 01
ՄԱԿ-ի Կայուն զարգացման լուծումներու ստորաբաժանումը հրապարակած է ամէնամեայ World Happiness Report զեկոյցը, որ հինգերորդ տարին անընդմէջ գլխաւորած է Ֆինլանտան:
Զեկոյցին մէջ ներառուած է աշխարհի 146 երկիր: Դասակարգման ժամանակ մասնագէտները հաշուի կ'առնեն այնպիսի ցուցանիշներ, ինչպիսիք են կեանքի տեւողութիւնը, ընկերային աջակցութիւնը, փտածութեան եւ այլն:
Առաջատար տասնեակին մէջ են Դանիան, Իսլանտան, Զուիցերիան, Հոլանտա, Լիւքսեմպուրկը, Շուէտը, Նորվեկիան, Իսրայէլը, Նիւ Զելանտան:
Նախկին ԽՍՀՄ երկիրներէն լաւագոյն ցուցանիշը ունին Լիթուանիան եւ Էսթոնիան` համապատասխանաբար 34-րդ եւ 36-րդ, Ղազախստանը` 40-րդ, Լաթուիան` 42-րդ, Ուզպեքստանը` 53-րդ, Մոլտովան` 62-րդ, Ղրղզստանը` 64-րդ, Պելառուսիա` 65-րդ, Թուրքմէնստանը` 78-րդ, Ռուսաստանը` 80-րդ, Հայաստանը` 82-րդ (նախորդ տարի 86-րդ տեղն էր), Տաճիկստանը` 83-րդ, Ատրպէյճանը` 92-րդ, Ուքրանան` 98-րդ, Վրաստանը` 105-րդ տեղերն են: Մինչդեռ Իրանը 110-րդ, իսկ Թուրքիան 112-րդ տեղերն են:
Զեկոյցի վերջին տասնեակին մէջ են Զամպիան, Մալաուին, Թանզանիան, Սիերա Լէոնը, Լեսոթօն, Պոթսուանան, Ռուանտան, Զիմւապուէյը, Լիբանանը, Աֆղանիստանը:
