2.09c
Երեվան
կրկ, դկտ 22
Իրանի Արտաքին Գործոց նախարարութեան խօսնակ Սայիտ Խաթիպզատէ ըսած է. «Իրան ոեւէ մէկուն հետ չի կատակեր իր ազգային անվտանգութեան հարցով, եւ այդ բոլորին լաւ յայտնի է: Մենք յստակ ուղերձ յղեցինք բոլոր հարեւան երկիրներուն, որ Իրանը երբեք չի հանդուրժեր սիոնիստական ներկայութիւնը իր սահմաններուն, եւ այդ ապացուցուած է գործնականին մէջ»:
Խաթիպզատէ ընդգծած է, որ միջուկային բանակցութիւնները տեղի պիտի ունենան Վիեննայի մէջ՝ նշելով, որ իրանեան պատուիրակութիւնը նոր բնագիրի շուրջ պիտի չբանակցի, եւ որ երկխօսութիւնը պիտի ընթանայ միջուկային համաձայնութեան շրջագիծէն ներս: Ան ըսած է, որ «եթէ Արեւմուտքը լուրջ վերաբերէր միջուկային բանակցութիւններուն, ապա ԱՄՆ-ի նախկին նախագահ Տոնալտ Թրամփ չէր համարձակեր շրջանցել զայն», նշելով, որ «Գերմանիան այն երկիրներէն է, որ չէ կատարած միջուկային համաձայնագրի ծիրէն ներս ստանձնած պարտաւորութիւնները»:
