14.09c
Երեվան
ուրբ, ապր 24
Արցախի Հանրապետութեան նախագահ Արայիկ Յարութիւնեանը Ապրիլ 15-ին ընդունած է խումբ մը քաղաքացիներ, որոնք վերջին օրերուն շփման գիծին վրայ յառաջացած լարուածութեան ընթացքին կամաւորական սկզբունքով ծառայութեան մեկնած են:
Շնորհակալութիւն յայտնելով հայրենասիրութեան բարձր գիտակցութեան համար` երկրի ղեկավարը արդիւնաւէտ գնահատած է անոնց կատարած աշխատանքը` ընդգծելով այն Պաշտպանութեան բանակի եւ ուժային այլ կառոյցներու ստորաբաժանումներուն հետ համագործակցուած եղանակով իրականացնելու հանգամանքը:
Հանրապետութեան նախագահը համոզմունք յայտնած է, որ ստեղծուած աշխարհաքաղաքական բարդ իրավիճակին մէջ նոյնիսկ միասնական ջանքերով հնարաւոր է յաղթահարել առկայ մարտահրաւէրները: Այդ ծիրին մէջ Արայիկ Յարութիւնեանն անդրադարձած է Հանրապետութեան մէջ տիրող ռազմաքաղաքական իրավիճակին ու յառաջիկայ ընելիքներուն, ինչպէս նաեւ պատասխանած է կամաւորականներըն յուզող հարցերուն:
