2.09c
Երեվան
շբթ, դկտ 13
Իսրայէլի ազգային անվտանգութեան նախարար Իթամար Պեն-Կվիրը առաջարկած է վերացնել Պաղեստինի ինքնավարութեան բարձրաստիճան պաշտօնեաները եւ ձերբակալել անոր առաջնորդ Մահմուտ Ապպասը, եթէ ՄԱԿ-ը ճանչնայ Պաղեստինը։
«Եթէ ՄԱԿ-ը ճանչնայ պաղեստինեան պետութիւնը, ապա անհրաժեշտ է հրամայել Պաղեստինի ինքնավարութեան բարձրաստիճան պաշտօնեաներու, որոնք բոլոր առումներով ահաբեկիչներ են, կէտային սպանութիւններ իրականացնել, ինչպէս նաեւ հրամայել Մահմուտ Ապպասի ձերբակալութիւնը։ Անոր համար Քցիոտի բանտին մէջ բանտախուցը պատրաստ է», -ըսուած է նախարարի յայտարարութեան մէջ։
Ան պաղեստինցիները անուանած է յօրինուած ժողովուրդ, որ, իբր, կը ձգտի պետութիւն ստեղծել Իսրայէլի աւերակներու վրայ: Նախարարի խօսքով՝ Պաղեստինի պետութեան ստեղծման հարցը կրնայ նոր թափ ստանալ Միացեալ Նահանգներու կողմէ ՄԱԿ-ի Անվտանգութեան խորհրդին մէջ առաջարկուող բանաձեւի շնորհիւ:
Իսրայէլի իշխանութիւնները համակարգուած կերպով կը յայտարարեն, որ պաղեստինեան «Համաս»-ի եւ Կազայի հատուածի լիակատար ապառազմականացումը, ինչպէս նաեւ պաղեստինեան պետութիւն ստեղծելու անհնարինութիւնը հիմք են Կազայի եւ ամբողջ տարածաշրջանի ապագայի վերաբերեալ բանակցութիւններու համար։
