17.82c
Երեվան
երկ, հնս 22
«Հայաստան» խմբակցութեան պատգամաւոր Իշխան Սաղաթէլեանը հեռացուեցաւ Ազգային ժողովի փոխնախագահի պաշտօնէն:
Փակ գաղտնի քուէարկութեամբ զայն պաշտօնէն հեռացնելուն կողմ քուէարկած է 66 պատգամաւոր, դէմ` 0 պատգամաւոր:
Սաղաթէլեանը ԱԺ փոխնախագահի պաշտօնէն ետ կանչելու նախաձեռնութիւնը «Քաղաքացիական պայմանագիր» խմբակցութեանն էր: Ըստ անոնց` Իշխան Սաղաթէլեանը պարբերաբար բացակայած է ԱԺ նիստերէն, հրահրած է բախումներ, օգտագործած է ատելութեան խօսք, վիրաւորած է հանրութեան տարբեր ներկայացուցիչներ, ԱԺ պատգամաւորներ:
«Հայաստան» խմբակցութեան պատգամաւոր Վահէ Յակոբեանն ալ հեռացուեցաւ Ազգային ժողովի Տնտեսական հարցերու մշտական յանձնաժողովի նախագահի պաշտօնէն:
Փակ գաղտնի քուէարկութեամբ զայն պաշտօնէն հեռացնելուն կողմ քուէարկած է 66 պատգամաւոր, դէմ` 0 պատգամաւոր:
Յակոբեանը յանձնաժողովի նախագահի պաշտօնէն հեռացնելու նախաձեռնութիւնը «Քաղաքացիական պայմանագիր» խմբակցութեանն էր: Վահէ Յակոբեանը ԱԺ 8-րդ գումարման առաջին օրացուցային կիսամեակի ընդհանուր 342 քուէարկութիւններէն չէ մասնակցած 194-ին. հրաւիրուած 25 խորհուրդի նիստերէն բացակայած է 20 անգամ:
