31.09c
Երեվան
երք, օգս 18
Գանատան կը մասնակցի Իրանի դէմ ռազմական հակամարտութեան՝ Ուաշինկթընը հանգստացնելու համար, հակառակ Ուաշինկթընի կողմէ Օթթաուայի նկատմամբ վարուող քաղաքականութեան, յայտարարած է Իրանի ԱԳՆ-ի պաշտօնական ներկայացուցիչ Էսմայիլ Պաղային։
«Ուաշինկթըն Գանատան կը կոչէ իր 51-րդ նահանգը։ Ուաշինկթըն մաքսատուրքեր կը սահմանէ գանատական ապրանքներու վրայ։ Ուաշինկթըն կ՚անարգէ Գանատան եւ անոր պատժամիջոցներով կը սպառնայ անտառային հրդեհներու ծուխին պատճառով։ Մինչդեռ Օթթաուան կը մասնակցի Իրանի դէմ ԱՄՆ-ի սանձազերծած անօրինական պատերազմին՝ Ուաշինկթընը հանգստացնելու համար», գրած է Պաղային։
Նշենք, որ Գանատայի ԱԳՆ-ն աւելի վաղ յայտարարած էր Իրանի հինգ բարձրաստիճան ներկայացուցիչներու դէմ պատժամիջոցներ սահմանելու մասին։ Օթթաուան զանոնք կը մեղադրէ Հորմուզի նեղուցով նաւարկութեան սպառնալիքներ ստեղծելու մէջ։
