20.91c
Երեվան
երկ, հնս 22
Վարչապետ Նիկոլ Փաշինեանի պաշտօնական այցը Հոլանտա կարեւոր էր առաջին հերթին քաղաքական առումով՝ ցոյց տալու երկու երկիրներուն, որ Հայաստանի Հանրապետութիւնը եւ Հոլանտան շփումներ եւ կապեր ունին ամենաբարձր՝ վարչապետերու մակարդակով: Հայաստանի եւ Հոլանտայի միջեւ դիւանագիտական յարաբերութիւններու հաստատման 30-ամեակի առթիւ «Արմէնփրէս»-ին տուած հարցազրոյցին այդ մասին ըսած է ՀՀ-ի մէջ Հոլանտայի արտակարգ եւ լիազօր դեսպան Նիքօ Սխերմերսը:
Ըստ դեսպանի՝ այցի ընթացքին նաեւ ընդգծուած է, որ Հոլանտայի վարչապետ Մարք Ռոթէն կ'աջակցի վարչապետ Նիկոլ Փաշինեանին Հայաստանի մէջ ժողովրդավարութիւնը, օրէնքի գերակայութիւնը եւ մարդու իրաւունքները ամրապնդելու անոր ջանքերուն:
«Անշուշտ, մենք նաեւ արձանագրած ենք Հայաստանի բարդ վիճակը վերջին տարիներու ընթացքին, և այդ ծիրէն ներս վարչապետ Ռոթէն կարեւոր ուղերձ յղեց հայ ռազմագերիները հայրենիք վերադարձնելու հարցի առնչութեամբ՝ շեշտելով, որ Հոլանտան Հայաստանի կողքին է եւ կ'ընէ ամէն ինչ գերիները վերադարձնելու համար», - աւելցուցած է դեսպան Նիքօ Սխերմերսը:
