-0.91c
Երեվան
երք, հնվ 20
Յառաջիկայ Կիրակի օր Հոգելոյս Տ. Մեղրիկ եպս. Բարիքեան պիտի յիշատակուի։
Նշենք, որ այս տարի կը զուգադիպի Սրբան Հօր մահուան 5-րդ տարելիցին, որ պատահած էր «Թագաժահր» համավարակի ծանր օրերուն։
Տեղեկութիւնը «Արեւելք» ստացաւ Թորոնթոյի Սուրբ Աստուածածին Եկեղեցւոյ պաշտօնական էջէն։
Ստորեւ հրապարակուած տեղեկատւութիւնը՝
Կիրակի, 18 Յունուար 2026-ին, յաւարտ Ս. եւ Անմահ Պատարագի, նախագահութեամբ Գանատայի Հայոց Թեմի Առաջնորդ` Գերաշնորհ Տ. Բաբգէն Սրբ. Արք. Չարեանի, հոգեհանգստեան կարգ պիտի կատարուի եկեղեցւոյ երկարամեայ եւ վաստակաշատ սպասաւորին եւ Գանատայի Հայոց Թեմի երկրորդ Առաջնորդին
ՀՈԳԵԼՈՅՍ ՏԷՐ ՄԵՂՐԻԿ ԵՊԻՍԿՈՊՈՍ ԲԱՐԻՔԵԱՆԻ
վախճանման Ե. տարելիցին:
Նոյն օրը երեկոյեան, Crystal Fountain սրահէն ներս տեղի պիտի ունենայ յուշ-երեկոյ, նուիրուած վախճանեալ Սրբազան Հօր: Ձեռնարկի տոմսերու համար հեռաձայնել Եկեղեցւոյս գրասենեակ:
