13.09c
Երեվան
երկ, մյս 19
Հնդկաստանը մտադիր չէ սրել հակամարտութիւնը Փաքիստանի հետ, սակայն կոշտ պատասխան պիտի տայ, եթէ Իսլամապատը ռազմական յարձակում սկսի։ Այս մասին յայտարարած է Հնդկաստանի արտաքին գործոց նախարարութեան ղեկավար Սուպրահմանեամ Ճայշանքարը։
«Մեր նպատակը (Փաքիստանի հետ) իրավիճակը սրելը չէ: Այնուամենայնիւ, եթէ մեր վրայ ռազմական յարձակում ըլլայ, պէտք չէ կասկած ըլլայ, որ պիտի ստանան շատ, շատ կոշտ պատասխան», -ըսած է ան Նիւ Տելիի մէջ հնդկական-իրանեան համատեղ յանձնաժողովի նիստի բացման ժամանակ:
Ճայշանքարը յիշեցուցած է, որ ապրիլ 22-ին հնդկական Ճամու եւ Քաշմիր միութեան տարածքին մէջ` Փահալկամի մէջ, խաղաղ բնակիչներու դէմ տեղի ունեցած ահաբեկչութիւնը «ստիպած է Հնդկաստանը պատասխանելու մայիս 7-ին՝ թիրախաւորելով անդրսահմանային ահաբեկչական ենթակառուցուածքը»։
«Մեր պատասխանը նպատակային ու հաւասարակշռուած էր»,- շեշտած է Հնդկաստանի արտաքին գործոց նախարարը։
