24.61c
Երեվան
երկ, հնս 22
Հայաստանի Հանրապետութեան նախագահ Վահագն Խաչատուրեանը նախագահական նստավայրէն ներս հիւրընկալած է Ֆրանսահայ կազմակերպութիւններու համակարգող խորհուրդի համանախագահ, «Nouvelle d’Armenie» պարբերականի գլխաւոր խմբագիր Արա Թորանեանը։
Ողջունելով հիւրը նախագահ Խաչատուրեանը շեշտած է, որ նախագահական նստավայրի դռները միշտ բաց են ֆրանսահայ գործչի առջեւ։
Արա Թորանեանը շնորհակալութիւն յայտնած է նախագահին ընդունելութեան համար եւ նշած, որ մշտապէս ուրախ է այցելել Հայաստան։
Հանդիպման ընթացքին քննարկուած է կրթական, հասարակական, տիեզերական եւ այլ ոլորտներու մէջ համատեղ ծրագրերու իրականացումը։ Թորանեանը շեշտած է, որ Ֆրանսահայ կազմակերպութիւնները մշտապէս կանգնած են հայկական պետականութեան կողքին եւ բոլոր ջանքերը պիտի ներդնեն ինչպէս Հայաստանի զարգացման, այնպէս ալ Հայաստան-Սփիւռք կապերու շարունակական ամրապնդման համար։
Երկուստեք պայմանաւորուածութիւն ձեռք բերուած է պարբերական շփումներու շուրջ։
