1.09c
Երեվան
կրկ, դկտ 22
Փետրուար 24-ին ռուս-ուքրանական պատերազմը սկսելէն յետոյ, տասնեակ հազարաւոր մարդիկ Ռուսաստանէն, Ուքրանիայէն, Պելառուսիայէն փախստականի, ներգաղթեալի կամ զբօսաշրջիկի կարգավիճակով ժամանած են Հայաստան: Հայաստանի մէջ Ուքրանիոյ դեսպանատան տուեալներով` վերջին երեք շաբթուայ ընթացքին ՀՀ սահմանը հատած է Ուքրանիոյ մօտաւորապէս 4 հազար քաղաքացի` հիմնականին մէջ ազգութեամբ հայեր: Այդ մասին դեսպանատան հրաւիրած ասուլիսին ընթացքին լրագրողներուն յայտնեց Հայաստանի մէջ Ուքրանիոյ գործերու ժամանակաւոր հաւատարմատար Տենիս Աւթոնոմովը:
«Առանձնայատկութիւնը այն է, որ անոնք գրեթէ բոլորը ազգութեամբ հայեր են, ունին այստեղ ընկերներ, հարազատներ, տուն, այդ իսկ պատճառով չեն դիմեր օգնութեան համար», նշեց ժամանակաւոր հաւատարմատարը:
Ըստ Աւթոնոմովի` ուքրանական դեսպանութիւնը որոշ հնարաւորութիւններ ունի մարդիկը «տեղաւորելու», անոնց բնակեցման հարցը լուծելու համար, բայց զբաղուածութեան հարցը լուծելը աւելի դժուար է:
Յատկանշական է, որ Հայաստանի բազմաթիւ քաղաքացիներ` երեւանցիներ, շրջաններու բնակիչներ, ըստ Ուքրանիոյ դիւանագիտական ներկայացուցիչին, կը դիմեն դեսպանատուն` պատրաստակամութիւն յայտնելով օգնելու ուքրանացի փախստականները վերաբնակեցնելու գործին մէջ:
