22.09c
Երեվան
կրկ, սպտ 01
30 մարտին, Ատրպէյճանի պաշտպանութեան նախարար, զօրավար-գնդապետ Զաքիր Հասանովի գլխաւորութեամբ Կեդրոնական հրամանատարական կէտին մէջ տեղի ունեցած է նիստ, որուն մասնակցած են փոխ նախարարներ, ռազմական ճիւղերու հրամանատարներ, գերատեսչութիւններու գլխաւոր վարչութիւններու, գերատեսչութիւններու եւ ծառայութիւններու ղեկավարներ։
Տեսակապով հանդիպման միացած են զօրամասերու եւ կազմաւորումներու հրամանատարները։
Այս մասին յայտնած են ատրպէյճանական լրատուամիջոցները։
Վերլուծուած է հայ-ատրպէյճանական սահմանի օփերաթիւ իրավիճակը, յանձնարարուած է պահպանել զօրամասերու մարտական պատրաստուածութեան բարձր մակարդակը եւ կատարելագործել անոնց ծառայողական ու մարտական գործունէութիւնը։
Զաքիր Հասանով նշած է իրական պատերազմի պայմաններուն համապատասխան կատարուող վարժանքներու եւ գործնական պարապմունքներու ուժգնութեան հետագայ յաւելումի կարեւորութիւնը՝ օգտագործելով ժամանակակից սպառազինութիւն, զինատեսակ եւ ծառայութեան համար ընդունուած այլ մարտական զինատեսակներ։
