image
Հրատապ լուրեր:

Գերմանիան խոստովանած է, որ պարտաւոր է ձերբակալել Նաթանիահուն, եթէ Միջազգային քրէական դատարանը հրաման արձակէ

Գերմանիան խոստովանած է, որ պարտաւոր է ձերբակալել Նաթանիահուն, եթէ Միջազգային քրէական դատարանը հրաման արձակէ

Գերմանիոյ կառավարութեան խօսնակ Շթեֆան Հեպշթրայթը յայտարարած է, որ եթէ Իսրայէլի վարչապետ Բենիամին Նաթանիահուի նկատմամբ ձերբակալութեան միջազգային հրաման տրուի, Գերմանիան պարտաւոր պիտի ըլլայ ձերբակալել անոր։ Այս մասին X-ի էջին յայտնած է Politico-ի լրագրող Փիթեր Ուիլքը։

«Մենք պարտաւորուած ենք օրէնքով, Գերմանիան կ՚աջակցի դատարանին եւ այդպէս ալ պիտի մնայ», - ըսած է խօսնակ Շթեֆան Հեպշթրայթը։

Ան հրաժարած է պատասխանելէ լրագրողի այն հարցին, թէ Գերմանիան կ՚ընդունի՞ Իսրայէլի կոչը, որ երկիրները պէտք է ձեռնպահ մնան ձերբակալութեան հրամանի կատարումէն։

Ըստ Spiegel-ի՝ Գերմանիան Իսրայէլի վարչապետի ձերբակալութեան սենարը կը համարէ «խիստ զգայուն»՝ հաշուի առնելով Հոլոքոսթի յիշատակի հարցը։

Յիշեցնենք, որ մայիս 20-ին Միջազգային քրէական դատարանի ընդհանուր դատախազ Քարիմ Խանը պահանջած էր Նաթանիահուի, ինչպէս նաեւ Իսրայէլի պաշտպանութեան նախարար Եոաւ Կալանթի եւ «Համաս»-ի երեք առաջնորդներու ձերբակալման հրաման տրամադրել։

Ի պատասխան՝ Նաթանիահուն Հաակայի Միջազգային քրէական դատարանը մեղադրած է հակասեմականութեան համար։ Նաթանիահուն ըսած էր, որ ինքը «զզուանքով» կը մերժէ Խանի յայտարարութիւնը, եւ որ այդ «նոր հակասեմականութեան» օրինակ է։