-3.91c
Երեվան
երկ, դկտ 23
Արցախի պաշտօնաթող նախագահ Արայիկ Յարութիւնեանը իր դիմատետրեան էջին հրապարակած է CNN-ին տուած հարցազրոյցը, որ տուած էր իր հրաժարականէն առաջ:
«Յարգելի՛ հայրենակիցներ,
Վերջին շրջանում միջազգային առաջատար գրեթէ բոլոր լրատուամիջոցներն անդրադարձել են Արցախի շրջափակմանը: Այդ շարքում կարեւոր տեղ ունի CNN-ի այսօրուայ հրապարակումը, որի հեղինակի հարցերին պատասխանել եմ Հանրապետութեան նախագահի պաշտօնից իմ հրաժարականից առաջ:
Պատասխաններիս մի մասը տեղ է գտել նիւթի մէջ, որը բաւականին համակողմանիօրէն ներկայացնում է իրավիճակը՝ ե՛ւ քաղաքական, ե՛ւ հումանիտար տեսանկիւններից:
Իմ հետեւեալ շեշտադրումներն են ներկայացուել նիւթում.
«Ադրբեջանը շրջափակել է Արցախի Հանրապետութիւնը՝ մեր ժողովրդի դէմ ցեղասպանութիւն իրականացնելու գլխաւոր նպատակով».
«Հաշուի առնելով Ադրբեջանի ցեղասպանական մտադրութիւնները եւ երկարատեւ հակահայկական ատելութեան համակարգուած պետական քաղաքականութիւնը՝ մեր ժողովուրդը հիմնաւոր մտահոգութիւն ունի Ադրբեջանից ծագող ցանկացած ապրանքի անվտանգութեան վերաբերեալ».
«Ադրբեջանը մարդասիրական օգնութիւն տրամադրելու փորձեր ձեւացնելու փոխարէն պէտք է ապարգելափակի Լաչինի միջանցքը».
«Ես հիասթափուած եմ մինչ այժմ Եւրոմիութեան եւ Միացեալ Նահանգների արձագանգներից: Եւրոպայի եւ Ամերիկայի անգործութեան եւ ձախողումների հիմքում ընկած պատճառները հիմնականում աշխարհաքաղաքական են, որոնք ներառում են նաեւ Ադրբեջանից էներգետիկ կախուածութիւնը»:
Ամբողջական նիւթին կրնաք ծանօթանալ հետեւեալ յղմամբ:
