18.09c
Երեվան
չրք, մյս 20
Ապրիլ 20-ին Ռուսիոյ նախագահ Վլատիմիր Փութին բանակցութիւններ վարած է Չինաստանի նախագահ Սի Ծինփինի հետ։
Աշխատանքային ծրագիրը սկսած է Թիանանմէն հրապարակին վրայ տեղի ունեցած պաշտօնական դիմաւորման արարողութեամբ։ Նախագահները ողջունած են զիրար եւ ներկայացուցած իրենց պատուիրակութեան անդամները։
«Խաղաղութեան եւ զարգացման ցանկութիւնը Ռուսիոյ եւ Չինաստանի ժողովուրդներուն կամքն է՝ լայն տարածում ունեցող գերիշխանութեան եւ անկայունութեան լոյսի ներքոյ», -Փութինի հետ հանդիպման ընթացքին յայտարարած է Չինաստանի առաջնորդ Սի Ծինփինը։
«Ներկայիս, քաոսային միջազգային իրավիճակին մէջ, միակողմանիութիւնն ու գերիշխանութիւնը կ՚աճին, սակայն խաղաղութեան, զարգացման եւ համագործակցութեան ձգտումը կը մնայ ժողովուրդներու ձգտումն ու ժամանակի ոգին»,– ըսած է ան։
Չինաստանի առաջնորդը աւելցուցած է, որ Չինաստանը կ՚աջակցի Ռուսիոյ հետ բարիդրացիութեան, բարեկամութեան եւ համագործակցութեան մասին պայմանագրի երկարաձգման եւ մտադիր է աւելի ամրապնդել Մոսկուայի հետ իր ռազմավարական գործընկերութիւնը։
Սին նշած է, որ ռուս-չինական յարաբերութիւններու ներկայ մակարդակը հնարաւոր դարձած է երկիրներու միջեւ քաղաքական վստահութեան եւ ռազմավարական համագործակցութեան ամրապնդման շնորհիւ։ Ան ըսած է, որ Մոսկուան եւ Փեքինը կը շարունակեն զարգացնել համագործակցութիւնը եւ «պահպանել հանգստութիւնը անհանգիստ ժամանակներու մէջ», միաժամանակ պաշտպանելով միջազգային արդարութիւնն ու բազմաբեւեռ աշխարհը։
Փութին, իր հերթին, Սի Ծինփինի հետ հանդիպման ընթացքին յայտարարած է, որ ռուս-չինական յարաբերութիւնները հասած են աննախադէպ մակարդակի՝ ներկայացնելով գործընկերութեան օրինակելի մօտել։
