-2.91c
Երեվան
ուրբ, փտր 21
Իրաւապաշտպան Ռուբէն Մելիքեան «Աբովեան» քրէակատարողական հիմնարկի մէջ այցելած է Գայեանէ Յակոբեանը եւ իր դիմատետրեան էջին հրապարակած է անոր ուղերձը.
«Սիրելի՛ հայրենակիցներ,
Նախ, ցանկանում եմ շնորհակալութիւն յայտնել այս ծանր օրերին ինձ գիշեր-ցերեկ աջակցելու, ջերմութիւն փոխանցելու համար։ Այդ ջերմութիւնն աւելի կարեւոր սնունդ էր ինձ համար, քան այն հացը, որի ընդունումից որպէս բողոքի նշան, հրաժարուել էի։
Յայտնում եմ, որ անիմաստ եմ համարում հացադուլի հետագայ շարունակութիւնը, քանի որ ինձ համար ակնյայտ դարձաւ, որ իմ նկատմամբ բոլոր վճիռները կայացւում են ոչ թէ դատական դահլիճներում, այլ՝ նիկոլական աշխատասենեակներում։ Այդ վճիռները հիմնուած են ոչ թէ իրաւունքի վրայ, այլ վրէժխնդրութեան եւ իմ անսահման ցաւն էլ աւելի խորացնելու, ինձ նորանոր տառապանքներ պատճառելու անմարդկային դիտաւորութեան վրայ։
Ես որոշել եմ ամուր մնալ եւ չուրախացնել ներքին թշնամուն։
Բոլորս ականատես եղանք, որ մեր երկրին, մեր ժողովրդին ուժ տուող նուազագոյն բարոյական սկզբունքներն այլեւս հիմնաւորապէս խախտուած են, եւ դրանք հնարաւոր է վերականգնել միայն երբ նեռը կը հեռացուի կառավարման ղեկից։ Եթէ կիսում էք այս համոզմունքը, ապա խնդրում եմ դուրս գալ փողոց եւ մենակ չթողնել իմ բախտակից ընկերներին՝ մեր հերոս տղաների ծնողներին։
Խնդրում եմ նաեւ մենակ չթողնել Ժորայիս եւ իմ փոխարէն Եռաբլուրում այցելել նրա սուրբ շիրիմին։
Ձեր՝ Գայանէ»։
Նշենք, որ աւելի վաղ յայտարարուեցաւ, որ Գայեանէ Յակոբեանին մէկ ամսուայ կալանաւորման վճիռը հրապարակուած էր:
Գայեանէ Յակոբեանի աջակիցները բողոքի հաւաք կատարած են պահանջելով անյապաղ ազատ արձակել զոհուածի մայրը:
