Ատրպէյճանի խորհրդարանին մէջ առաջարկած են փոխել երկրի անունը

Ատրպէյճանի խորհրդարանին մէջ առաջարկած են փոխել երկրի անունը

Ատրպէյճանի խորհրդարանի պատգամաւոր Կուտրաթ Հասանկուլիեւն առաջարկած է փոխել երկրի անունը՝ այն դարձնելով Հիւսիսային Ատրպէյճան:

Անոր կարծիքով՝ Ատրպէյճանի մէջ պետականաշինութեան ուղղուած քայլերն անհրաժեշտ կը դարձնեն նոր Սահմանադրութեան ընդունումը, գրած է minval.az-ը:

«Առաջին քայլը պէտք է ըլլայ Ատրպէյճանի անունը փոխելը։ Երկիրը պէտք է կոչուի Հիւսիսային Ատրպէյճան։ Նաեւ, ինչպէս միւս բաժանուած ժողովուրդներու սահմանումներուն, առկայ են հիւսիս եւ հարաւ բառերը: Կը կարծեմ՝ սա խթան կը հանդիսանայ նաեւ հարաւային ատրպէյճանցիներուն (կ'ակնարկէ Իրան բնակող ցեղային ատրպէյճանցիներուն-խմբգ.) համար»,- ըսած է ան։

Հասանկուլիեւը յիշեցուցած է, որ վերջերս Իլհամ Ալիեւը դատապարտած է Ատրպէյճանի նկատմամբ Իրանի «թշնամական քաղաքականութիւնը»։ Անկէ յետոյ Ատրպէյճանի մէջ Իրանի դեսպանը երկաթէ բռունցքի պատկեր դրած է Իրանի դրօշին վրայ եւ ընկերային ցանցով տարածած այս լուսանկարը։ 

Նշենք, որ վերջին շրջանին բաւականին լարուած են նաեւ յարաբերութիւնները Թեհրանի ու Պաքուի միջեւ։