13.09c
Երեվան
չրք, ապր 29
Զանգուածային լրատուամիջոցներով տարածուող տեղեկութիւնն առ այն, թէ իբր Արցախի Հանրապետութեան մէջ տեղակայուած Ռուսիոյ Դաշնութեան խաղաղապահ զօրակազմի հրամանատարութիւնը համաձայն է ատրպէյճանական մաքսային կէտ տեղադրել Լաչինի միջանցքին մէջ՝ իրականութեան չի համապատասաներ։ Այս մասին յայտարարութիւն տարածած է Արցախի Հանրապետութեան Անվտանգութեան Խորհուրդի գրասենեակը։
Յայտարարութեան մէջ, մասնաւորապէս, նշուած է.
«Խաղաղապահ զօրակազմի պատասխանատւութեան արգելուած առարկաներ մուտքը չթոյլատրելու նպատակով ՌԴ խաղաղապահների կողմից դիտարկուել է Լաչինի միջանցքի թիւ 1 յենակէտում ռենտգեն-սկաների տեղադրման հնարաւորութիւնը՝ մտնող տրանսպորտային միջոցների զննման նպատակով։
Բեռների վերահսկողութիւնը պլանաւորւում է իրականացնել Խաղաղապահ զօրակազմի մասնագէտների կողմից։
Ըստ այդմ, կրկին շեշտում ենք, որ Լաչինի միջանցքում ատրպէյճանական հսկիչ կէտ տեղակայելու մասին շրջանառուող լուրերը կեղծ են եւ չեն բխում Հայաստանի, Ատրպէյճանի եւ Ռուսաստանի ղեկավարների ընդունած եռակողմ յայտարարութեան դրոյթներից։
Կոչ ենք անում տուրք չտալ ապատեղեկատւութեանը եւ հետեւել բացառապէս պաշտօնական լրատւութեանը»։
