19.09c
Երեվան
շբթ, մյս 02
Արցախի Հանրապետութեան նախագահ Արայիկ Յարութիւնեանը 16 յունուարին ստորագրած է շարք մը հրամանագրեր։
Համաձայն հրամանագրերու՝
Զօրավար-մայոր Աշոտ Յակոբջանեանն ազատուած է Արցախի Հանրապետութեան ազգային անվտանգութեան ծառայութեան տնօրէնի պաշտօնէն եւ արձակուած է ազգային անվտանգութեան մարմիններուն մէջ ծառայութենէն՝ երկարամեայ ծառայութեան կենսաթոշակի անցնելու կապակցութեամբ։
Զօրավար-մայոր Արարատ Մելքումեանը նշանակուած է Արցախի Հանրապետութեան ազգային անվտանգութեան ծառայութեան տնօրէն՝ ազատուելով Արցախի Հանրապետութեան Անվտանգութեան խորհուրդի քարտուղարի պաշտօնէն:
Սամուէլ Շահրամանեանը նշանակուած է Արցախի Հանրապետութեան Անվտանգութեան խորհուրդի քարտուղար՝ ազատուելով Անվտանգութեան խորհուրդի քարտուղարի տեղակալի պաշտօնէն։
