23.09c
Երեվան
երկ, հնս 09
Արցախի պետական կառավարման համակարգն այլեւս ունակ չէ արդիւնաւէտ կառավարելու այն բոլոր ռիսքերը՝ անվտանգութենէն մինչեւ երկրի բնականոն զարգացում, որոնք այսօր եւ յառաջիկայ տարիներուն կախուած պիտի ըլլան Արցախի գլխուն։ Այս մասին դիմատետրեան իր էջին գրած է Ազգային Ժողովի «Պատիւ ունեմ» խմբակցութեան պատգամաւոր Տիգրան Աբրահամեանը:
«Այստեղ խնդիրը համակարգային է եւ նոր իրավիճակներում այն պէտք է արմատական վերափոխումների ենթարկուի։
Արցախում առաջիկայում սահմանադրական փոփոխութիւնների գործընթաց է սպասւում, որի աշխատանքները դեռ տարեսկզբին են մեկնարկել, սակայն այդ փոփոխութիւնները, չնայած մի քանի առանցքային վերանայումներ են ենթադրում, սակայն գլխաւոր սպառնալիքների դիմակայման, չէզոքացման եւ ռիսկերի կառավարման խնդիրը չեն լուծում։
ՀՀ-ում 2018-ին սկիզբ դրուած Արցախի օտարման գործընթացը, 44-օրեայ պատերազմի ողբերգական հետեւանքները ու ՀՀ իշխանութիւնների՝ ԼՂ հակամարտութեան հարցում ունեցած դիրքորոշումն Արցախին ստիպում է ամբողջութեամբ վերանայել ներքին քաղաքականութիւնից, տնտեսութիւնից մինչեւ պետական համակարգում եղած «ստատուս քո»ն եւ անցնել ճգնաժամային կառավարման։
Սա ենթադրում է ե՛ւ համակարգային, ե՛ւ գաղափարական, ե՛ւ գլխաւոր դերակատարների ռադիկալ (արմատական) փոփոխութիւն»,- գրած է Աբրահամեան։
