12.09c
Երեվան
շբթ, հկտ 25
Այս չորս անդամներէն, երկրորդ շրջանի մը համար ընտրուեցաւ հայ թեկնածու մը, Հայ Կաթողիկէ պատրիարքութեան ներկայացուցիչ եւ Հայ Կաթողիկէ Ս. Խաչ- Հարպոյեան Բարձրագոյն վարժարանի մեծաւոր Պրն. Արամ Գարատաղլեան:
«Արեւելք», (Պէյրութ) Հինգշաբթի, 2 Հոկտեմբեր 2025-ին, կ.ե. ժամը 4:00-ին, Լիբանանի Կաթողիկէ վարժարաններու կեդրոնատեղիին մէջ, տեղի ունեցաւ Լիբանանի Կաթողիկէ վարժարաններու քարտուղարութեան նոր գործադիր մարմնի անդամներու ընտրութիւնը:
Գործադիր մարմինը կը բաղկանայ ութ անդամներէ, որոնցմէ չորսը նշանակովի են. նշանակուողները կ'ըլլան այն վարժարաններու համախմբումներէն, որոնք ամենաշատ աշակերտներ ունին, իսկ միւս չորսը՝ ընտրովի: Այս խորհուրդը՝ գործադիր մարմինը, ուղղակի կ'օժանդակէ ընդհանուր քարտուղարին 4 տարիներու շրջանի մը համար:
Այս չորս անդամներէն, երկրորդ շրջանի մը համար ընտրուեցաւ հայ թեկնածու մը, Հայ Կաթողիկէ պատրիարքութեան ներկայացուցիչ եւ Հայ Կաթողիկէ Ս. Խաչ- Հարպոյեան Բարձրագոյն վարժարանի մեծաւոր Պրն. Արամ Գարատաղլեան:
Նշենք, որ 2021-ին Արամ Գարատաղլեան առաջին անգամ ըլլալով ընտրուած էր Լիբանանի Կաթողիկէ վարժարաններու գործադիր մարմնի անդամ, դառնալով մարմնի պատմութեան մէջ առաջին հայ անդամը։ Գարատաղլեան անդամ է նաեւ միեւնոյն քարտուղարութեան ուսումնական յանձնախումբին, ու կը վառէ կաթողիկէ անկլոֆոն վարժարաններու ընդհանուր համակարգողի պաշտօնը:
Յայտնենք, որ Լիբանանի Կաթողիկէ վարժարաններու ընդհանուր քարտուղարութիւնը կը համախմբէ Լիբանանի բոլոր Կաթողիկէ համայնքներու վարժարանները, որոնց թիւը կը հասնի 320-ի եւ անոնց աշակերտութիւնը՝ 190.000-ի:
