11.09c
Երեվան
հնգ, ապր 25
Դեկտեմբերի 7-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Միջազգային խորհրդարանական կրթաթոշակ» ծրագրի Գերմանիայի Բունդեսթագի ընտրական հանձնաժողովի պատգամաւոր Քրիստիան Հաասէի գլխաւորած պատուիրակութեանը` ուղեկցութեամբ ՀՀ-ում Գերմանիայի Դաշնային Հանրապետութեան արտակարգ եւ լիազօր դեսպան Վիկտոր Ռիխտերի:
Պարոն Քրիստիան Հաասեն Նորին Սրբութեանը ներկայացնելով «Միջազգային խորհրդարանական կրթաթոշակ» ծրագիրը` ընգծեց, որ այն հնարաւորութիւն կը տայ մասնակիցներին ծանօթանալու Գերմանիայի Դաշնային Հանրապետութեան խորհրդարանական կառավարման համակարգին եւ կուտակած փորձը կիրառել հայրենիքում:
Հանդիպմանն անդրադարձ կատարուեց նաեւ տարածաշրջանում տեղի ունեցող զարգացումներին, կայունութեան ու խաղաղութեան հաստատման ուղղութեամբ գործադրուող ջանքերին եւ այս առնչութեամբ առկայ մտահոգութիւններին:
