15.09c
Երեվան
երկ, ապր 28
Իրան պատրաստ է մահապատժի ենթարկել Ատրպէյճանի դեսպանատան վրայ յարձակած անձը։ Այս մասին յայտնած է Irna-ն` վկայակոչելով երկրի Գերագոյն դատարանի որոշումը։
Իրանի Գերագոյն դատարանի ներկայացուցիչ Ասղար Ճահանկիրը նշած է, որ Թեհրանի մէջ Ատրպէյճանի դեսպանատան վրայ յարձակման հեղինակի մահապատժի վերաբերեալ դատական հետաքննութիւն կայացնելու, նախնական դատավճիռ կայացնելու եւ Իրանի Գերագոյն դատարանի դատավճռի վերջնական հաստատման գործընթացն աւարտած է։
«Դատական համակարգը լիովին պատրաստ է իրականացնել մահապատիժը»,- ըսած է Ճահանկիրը։
Դատարանի այս որոշման նախորդած էր Ատրպէյճանի նախագահ Իլհամ Ալիեւի յայտարարութիւնը, ըստ որու՝ ատրպէյճանա-իրանական յարաբերութիւնները լիարժեքօրէն պիտի կարգաւորուին, եթէ 2023-ի յունուարին Իրանի մէջ Ատրպէյճանի դեսպանատան դէմ յարձակում գործած անձը պատժուի։
