image

Յոյս ունիմ՝ մինչեւ յաջորդ երկուշաբթի Կազայի մէջ հրադադար կը հաստատուի. Պայտըն

Յոյս ունիմ՝ մինչեւ յաջորդ երկուշաբթի Կազայի մէջ հրադադար կը հաստատուի. Պայտըն

ԱՄՆ նախագահ Ճօ Պայտըն յայտարարած է, որ Իսրայէլի եւ ՀԱՄԱՍ-ի միջեւ Կազայի հատուածին մէջ հրադադարի շուրջ համաձայնութիւնը կրնայ ձեռք բերուիլ մինչեւ մարտ 4-ը։

Աւելի վաղ Axios-ը, յղում ընելով աղբիւրներուն, յայտնած էր ՀԱՄԱՍ-ի մօտ պահուող 40 պատանդի ազատ արձակման շուրջ բանակցութիւններուն մէջ առաջընթացի մասին՝ վեցշաբաթեայ հրադադարի եւ պաղեստինցի բանտարկեալները իսրայէլեան բանտերէն ազատելու դիմաց:

«Ազգային անվտանգութեան հարցերով խորհրդականս (Ճէյք Սալիւան - Խմբ.) ինծի ըսաւ, որ մենք մօտ ենք հրադադարին: Մենք մօտ ենք, բայց դեռ չենճք հասած: Եւ ես յոյս ունիմ, որ մինչեւ յաջորդ երկուշաբթի կը հաստատուի հրադադար»,-ըսած է Ճօ Պայտըն՝ ի պատասխան հրադադարի բանակցութիւններու արդիւնքներու մասին հարցին։ Այս մասին գրած է CNN-ը:

Փետրուարի սկիզբը Փարիզի մէջ Իսրայէլի ներկայացուցիչները եւ միջնորդներ Եգիպտոսը, Քաթարը եւ Միացեալ Նահանգները պայմանաւորուած են հրադադարի վերաբերեալ շրջանակային համաձայնագրի շուրջ, որ կը ներառէ քանի մը փուլ՝ պաղեստինցի գերիներու փոխանակում իսրայէլցի պատանդներու հետ եւ երկարաժամկէտ զինադադար՝ առանց պատերազմի աւարտի պարտաւորութիւններու: Աւելի ուշ Axios-ը յայտնած է, որ Իսրայէլը զգալի զիջումներու գացած է շրջանակային համաձայնագրի նախագիծին մէջ։ Հարթակի տուեալներով՝ այս մասին Ճօ Պայտընին հեռախօսազրոյցին ըսած է Իսրայէլի վարչապետ Բենիամին Նաթանիահուն։