Սուրէն Պապիկեանի գլխաւորութեամբ խորհրդակցութիւն

Սուրէն Պապիկեանի գլխաւորութեամբ խորհրդակցութիւն

Պաշտպանութեան նախարարութեան վարչական համալիրին մէջ, պաշտպանութեան նախարար Սուրէն Պապիկեանի գլխաւորութեամբ, տեղի ունեցած է խորհրդակցութիւն Զինուած Ուժերու եւ Գերագոյն շտաբի ղեկավար կազմին մասնակցութեամբ։ Պաշտպանութեան նախարարը կարեւորած է բանակին մէջ սկիզբ առած լայնածաւալ բարեփոխումներու շարունակականութիւնն ու արդիւնաւէտ ընթացքը եւ վստահեցուցած, որ երկրին քաղաքական ղեկավարութիւնը վճռական է՝ զինուած ուժերի մարտունակութեան բարձրացման համար անհրաժեշտ որեւէ քայլի աջակցելու հարցին մէջ։

Միեւնոյն ժամանակ, Սուրէն Պապիկեան պահանջած է գործադրել առաւելագոյն ջանք՝ զինուած ուժերուն մէջ կարգապահական խնդիրներու լուծման համար։ Պաշտպանական գերատեսչութեան ղեկավարը կարեւորած է զինուորական մասնագիտութեան գրաւչութեան բարձրացումը, ինչպէս նաեւ սպայի հանդէպ պետութեան հոգածութեան շեշտադրումը, համոզմունք յայտնելով, որ տեսանելի ապագային այս ուղղութեամբ էական քայլեր պիտի իրականացուին։

Խորհրդակցութեան աւարտին պաշտպանութեան նախարարին կողմէ տրուած են համապատասխան ցուցումներ՝ կապուած մարտական հերթապահութեան կրման, ընթացիկ խնդիրներու լուծման եւ յառաջիկայ ծրագրերուն հետ։