15.09c
Երեվան
ուրբ, հկտ 31
««Հայաստան» խմբակցութեան գործընկերներ Ագնեսա Խամոյեանի եւ Աղուան Վարդանեանի հետ ԱԱԾ մեկուսարանում տեսակցեցինք Բագրատ եւ Միքայէլ Սրբազաններին»: Այս մասին ֆէյսպուքի իր էջին վրայ գրած է ԱԺ «Հայաստան» խմբակցութեան պատգամաւոր Գառնիկ Դանիէլեանը։
«Սրբազան հայրերի ոգին, տրամադրութիւնն ու վճռականութիւնը տեղում էին: Հերթական անգամ մեզ դիմաւորեցին իրենց բնորոշ հանդարտութեամբ եւ լաւատեսութեամբ:
Բագրատ եւ Միքայէլ Սրբազաններն անազատութեան մէջ յայտնուելով՝ իրենց ամէնօրեայ աղօթքներում մշտապէս յիշատակում են մեր ազգն ու հայրենիքը: Սրբազանների կոչն է, որ փորձութիւններով լի այս ժամանակներում բոլորս համախմբուենք Հայ Առաքելական Սուրբ Եկեղեցու շուրջ: Որեւէ պահի չընկրկենք, չնահանջենք ճշմարիտի ու արդարութեան համար մղուող պայքարից:
Եթէ մեր հոգեւոր հայրերը պատուով եւ արժանապատուութեամբ են ընդունում իրենց ուղղուած հալածանքները, ապա մենք՝ ազատութեան մէջ լինելով՝ որեւէ պահի տրտնջալու, վարանելու իրաւունք չունենք:
Սրբազանների մեկուսացումը մեծագոյն ամօթ եւ խարան է գործող իշխանութիւնների համար: Բայց վստահ եմ, որ միասնական լինելու դէպքում թերթելու ենք այս ամօթալի էջը ես:
«Աշխարհում դուք նեղութիւն կ'ունենաք, բայց քա՛ջ եղէք, ես յաղթեցի աշխարհին» Յովհաննէս 16։33»»,-գրած է ան։
