-6.91c
Երեվան
չրք, հնվ 29
Հուլիսի 2-ին, ժամը 16:36-ին «911» ծառայությանը ՌԴ-ում ՀՀ ԱԻՆ ներկայացուցիչ փ/ծ գնդապետ Ա. Ղազարյանից տեղեկություն է ստացվել, որ հուլիսի 1-ին տեղական ժամանակով ժամը 17:00-ին Լև Տոլստոյ –Դանկով ավտոճանապարհի 9-րդ կմ-ին տեղի է ունեցել վթար, բախվել են «Volkswagen Passat» և «Hyundai Sonata» մակնիշերի ավտոմեքենաները:
«Volkswagen Passat» մակնիշի ավտոմեքենայի վարորդը՝ Դավիթ Իսկանդարյանը (1981 թ., ՀՀ քաղաքացի) և ուղևորները՝ Լիանա Սարգսյանը (1983 թ.,ՀՀ քաղաքացի), Ալիսա (2006 թ., ՀՀ քաղաքացի) և Աննա (2017 թ., ՀՀ քաղաքացի) Իսկանդարյանները տեղում մահացել են, իսկ Արևիկ Իսկանդարյանը (2010 թ., ՀՀ քաղաքացի) տեղափոխվել է Լիպեցկի ԲԿ, որտեղ բժիշկները նրա առողջական վիճակը գնահատել են ծանր:
Զոհվածներից Դավիթ Իսկանդարյանն ու Լիանա Սարգսյանը ամուսիններ են, իսկ զոհված երեխաները նրանց դուստրերն են, մյուս դուստրը գտնվում է հիվանդանոցում, նրան պետք է վիրահատեն: «Արեւելքի» տեղեկություններով ընտանիքը ուղեւորվելիս է եղել հանգստի: Ըստ նախնական տեղեկությունների՝ Դավիթ Իսկանդարյանի վարած մեքենային է բախվել բարձր արագությամբ ընթացող մեքենա, ինչի հետևանքով էլ տեղի է ունեցել ողբերգական ավտովթարը: Զոհվածների հուղարկավորությունը տեղի կունենա Հայաստանում:
