21.09c
Երեվան
ուրբ, հնս 27
Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսի հայրապետական տնօրինութեամբ կատարուած են եկեղեցականներու նոր նշանակումներ:
Հոգեշնորհ Տ․ Տաճատ վարդապետ Ծատուրեանը, ազատուելով Մայր Աթոռ Սուրբ Էջմիածնի մէջ ստանձնած պարտականութիւններէն, նշանակուած է հնդկահայոց հոգեւոր հովիւ եւ Կալկաթայի Հայոց Մարդասիրական Ճեմարանի կառավարիչ։
Արժանապատիւ Տ. Եսայի քահանայ Արթենեանը, ազատուելով Արարատեան Հայրապետական թեմին մէջ ստանձնած հոգեւոր պարտականութիւններէն, նշանակուած է Մայր Աթոռի Տեղեկատուական համակարգի տնօրէն։
Արժանապատիւ Տ․ Արսէն քահանայ Միրզոյեանը, աւարտելով իր ուսումնառութիւնը Գերմանիոյ մէջ, նշանակուած է Մայր Աթոռի «Քիւրքչեան» երեխաներու աջակցութեան կեդրոնի հոգեւոր տեսուչ։
Արժանապատիւ Տ․ Երուանդ քահանայ Երանեանը, ազատուելով Մայր Աթոռի մէջ ստանձնած պարտականութիւններէն, ծառայութեան կոչուած է Ռուսաստանի եւ Նոր Նախիջեւանի հայոց թեմին մէջ։
