-2.91c
Երեվան
կրկ, դկտ 22
Հռոմի Պապ Ֆրանցիսկոսին նվիրաբերված Նոյան Տապանի մանրակերտ քանդակի հեղինակը հանրահայտ ամերիկահայ դիզայներ Մայքլ Արամն է: Այդ մասին տեղեկանում ենք «Հայաստանի մանուկներ» հիմնադրամից, որի տնօրենների խորհրդի անդամ է Մայքլ Արամը:
Նոյան Տապանի մանրակերտը Հռոմի Պապին է նվիրաբերվել հայ ժողովրդի անունից, նրա հայաստանյան այցելության ժամանակ, Հանրապետության հրապարակում խաղաղության աղոթքի և էկումենիկ արարողության ընթացքում: Մանրակերտ քանդակը կտեղադրվի Վատիկանում:
«Ինձ համար մեծ պատիվ էր Ֆրանցիսկոս Պապի համար ստեղծել Նոյան Տապանի քանդակը»,- ասել է Մայքլ Արամը: «Այն ստեղծելիս՝ ես պատկերացնում էի փախստական երեխաներին, որոնք իրենք հայրենիքից բերած հող ու ջրով պիտի մոտենան Պապին ու Նոյան Տապանին… Մտածում էի, որ քանդակը կարող է, ինչ-որ առումով, նրանց փրկության, նոր երկրում նոր կյանք ստեղծելու խորհրդանիշը լինել»:
