28.09c
Երեվան
երք, հլս 08
Լիբանանի շիիթ համայնքը եւ յատկապէս երկրի խորհրդարանի նախագահ Նէպիհ Պըրրի յաջողեցաւ կարեւոր միաւոր մը կուտակել իր քաղաքական ընդհանուր ներուժին վրայ։
Խօսքը Պըրրի եւ անոր շրջապատի քաղաքական դէմքերուն կողմէ եղած ճնշումներուն մասին է, որոնց հետեւանքով ալ Լիպիա հրաժարեցաւ մասնակցութիւն բերել առաջիկայ օրերուն Պէյրութի մէջ կայացուելիք համարաբական տնտեսական ֆորումին։
Յիշեցնենք, որ Լիբանանի շիիթ համայնքը եւ յատկապէս Պըրրիի առաջնորդած «Ամալ» շարժումը ժխտական կեցուածք ունին Լիպիոյ դէմ եւ այդ մէկը կապ ունի վաղ 70-ականներուն Լիպիա մեկնած եւ ապա անյետացած «Ամալ» շարժումի հոգեւոր հայր համարուող Սայիտ Մուսա Ալ Սատըրի առեւանգման հետ։ «Ամալ»ի ղեկավարութիւնը եւ հետեւորդները Լիպիան եւ անոր ղեկավարութիւնն ու այդ օրերու առաջնորդ Մուհամմար Քատաֆին կը մեղադրեն Մուսա Ալ Սատըր առեւանգելու եւ անոր ճակատագիրը թաքցնելու մէջ։
