24.09c
Երեվան
երկ, հնս 23
ՄԱԿ-ի մօտ Ֆրանսայի ներկայացուցիչ Նաթալի Պրոտհերսթ կոչ ըրած է անմիջապէս վերականգնելու տեղաշարժը Լաչինի միջանցքով, թոյլ տալու միջազգային կազմակերպութիւններուն աշխատիլ տեղւոյն վրայ, հաշուի առնելու ԼՂ բնակչութեան իրաւունքները Հայաստանի եւ Ատրպէյճանի միջեւ բանակցութիւններուն:
«Լաչինի միջանցքի շարունակուող արգելափակումն Ատրպէյճանի կողմէ կը շարունակէ մեկուսացնել ԼՂ բնակչութիւնը աշխարհի մնացած մասէն առանց որեւէ իրաւաչափ պատճառի»,- Լեռնային Ղարաբաղի մարդասիրական ճգնաժամի հարցով նիստին յայտարարած է դիւանագէտը։
«Այդ կը հակասէ միջազգային մարդասիրական իրաւունքի սկզբունքներուն»,- ընգծած է ան՝ նշելով կազամատակարարման, ելեկտրականութեան, ջուրի եւ սնունդի հետ կապուած խնդիրները։
Ըստ անոր՝ այս ամէնուն հետեւանքով ստեղծուած է մարդասիրական ճգնաժամ։
ՄԱԿ-ի մօտ Ֆրանսայի ներկայացուցիչը յիշատակած է Արդարդատութեան միջազգային դատարանի վճիռը, որ կը պահաջէ Ատրպէյճանէն ապահովել Լաչինի միջանցքով ազատ տեղաշարժը։
Ան նշած է, որ Եւրոպական Միութեան զուգահեռ Ֆրանսան կ'աջակցի Հայաստանի եւ Ատրպէյճանի միջեւ երկխօսութեան ջանքերուն։
