-9.91c
Երեվան
հնգ, հնվ 08
Իրանի զինուած ուժերը որեւէ զիջման չեն երթար երկրի տարածքային ամբողջականութիւնը պաշտպանելու հարցով։
Այս մասին այսօր մամլոյ ասուլիսին յայտարարած է Իրանի արտաքին գործոց նախարարութեան խօսնակ Էսմայիլ Պաղային։
Ան նշած է, որ Իսրայէլի վարչապետ Բենիամին Նաթանիահուն աջակցութիւն յայտնած է Իրանի Իսլամական Հանրապետութեան մէջ տեղի ունեցող բողոքի ցոյցերուն։ ԱԳՆ պաշտօնեայի խօսքով՝ նման յայտարարութիւնները կը դիտուին որպէս երկրի ազգային միասնութիւնը խաթարելու փորձ։
«Իրանի զինուած ուժերը որեւէ զիջման չեն երթար երկրի տարածքային ամբողջականութիւնը պաշտպանելու հարցով», - ընդգծած է Իրանի արտաքին գործոց նախարարութեան խօսնակը։
