27.09c
Երեվան
ուրբ, օգս 01
Թուրքիոյ նախագահ Ռեճէպ Թայէպ Էրտողան ուղերձով հանդէս գալով, դիմած է Իրանի սահմանի մօտ «Եղբայրական բռունցք» թուրք-ատրպէյճանական համատեղ զօրավարժութիւններու մասնակիցներուն: Ան ըսած է, որ բարդ եղանակային պայմաններուն մէջ կայացող զօրավարժութիւնները կը զօրացնեն ատրպէյճանական եւ թրքական զինուժը։ Այս մասին կը հաղորդէ ԱՊԱ լրատուական գործակալութիւնը:
«Ես կը հաւատամ, որ դուք ուժ տուիք ընկերներուն եւ վախեցուցիք թշնամիները»,- ըսած է Էրտողան:
Ան աւելցուցած է, որ այս զօրավարժութիւնները ցոյց տուած են, որ Պաքուն եւ Անգարան ոչ ոք կրնայ բաժնել իրարմէ:
Մինչդեռ Թուրքիոյ ազգային պաշտպանութեան նախարար Հուլուսի Աքար, որ հետեւած էր զօրավարժութիւններուն, ըսած է, որ իրենց բարեկամներու ընկերներն ու թշնամիները համապատասխանաբար իրենց ընկերներն ու թշնամիներն են:
«Թուրքիան եւ Ատրպէյճանը, անկախ անկէ, թէ ուրկէ եւ որմէ են սադրանքները, անոնք կ'ընկալեն որպէս երկու երկիրներու դէմ ուղղուած: Թող ոչ ոք այդ առումով կասկած չունենայ»,-ըսած է Աքար՝ ընդգծելով, որ «իրենք պիտի ըլլան մէկ բանակ, մէկ ուժ եւ մէկ բռունցք»:
Աքարի խօսքով՝ նման խոցելի պահուն իրենց երկիրներու եւ ազգի անվտանգութեան ապահովումը հնարաւոր է միայն աշխուժ եւ յուսալի բանակով։
«Թուրքիոյ զինուած ուժերու եւ բարեկամ ու եղբայրական ատրպէյճանական բանակի կողմէ համատեղ կայացող այս զօրավարժութիւնները մենք կը համարենք պարզ եւ չափազանց օգտակար»,- շարունակած է Աքար։
Թուրք նախարարն ընդգծած է, որ զօրավարժութիւնները ցոյց տուած են երկու երկիրներու զինուած ուժերու ուժն ու վճռականութիւնը Թուրքիոյ եւ Ատրպէյճանի իրաւունքները եւ շահերը պաշտպանելու գործին։
