Հայաստանը Ֆրանսայէն գնած է 36 միաւոր CAESAR ինքնագնաց հրետանային համակարգ, X-ի էջին գրած է ֆրանսական Le Figaro ամսագրի փոխտնօրէն, լրագրող Ժան Քրիսթոֆ Պիւսոն։
«Ատրպէյճանի դէմ պաշտպանութիւնը զօրացնելու համար Հայաստանը Ֆրանսայէն գնած է 36 CAESAR հրետանային համակարգ, որոնք պէտք է մատակարարուին յառաջիկայ 15 ամսուան ընթացքին»,- նշած է Պիւսոն։
Այն, որ Երեւանն ու Փարիզը պայմանագիր կնքած են CAESAR ինքնագնաց հրետանիներու մատակարարման մասին, աւելի վաղ յայտնած էր Ֆրանսայի պաշտպանութեան նախարար Սեպասթիան Լըքորնիւն:
CAESAR ինքնագնաց համակարգը 155 մմ-անոց հաուպից (հրետանի) է, որ տեղադրուած է Renault Sherpa 10 բեռնատարի շրջանակի վրայ՝ զրահապատ խցիկով։