image
Հրատապ լուրեր:

«Հայաստանի Հանրապետութիւնում գնալով խորանում է բռնատիրական ռեժիմը». «Հայաստան» դաշինքի յայտարարութիւնը

«Հայաստանի Հանրապետութիւնում գնալով խորանում է բռնատիրական ռեժիմը». «Հայաստան» դաշինքի յայտարարութիւնը

Գորիսի մէջ տեղի ունեցող ՏԻՄ ընտրութիւնները մէկ անգամ եւս ապացոյցն են այն բանի, որ Հայաստանի Հանրապետութեան մէջ երթալով կը խորանայ բռնատիրական կարգը, եւ սեփական իշխանութիւնը պահելու, քաղաքական նպատակայարմարութեան հիւանդագին մոլուցքով տարուած իշխանութիւնները պատրաստ են ամէն տեսակի անօրինականութիւններու։ Այս մասին յայտարարութիւն տարածած է «Հայաստան» դաշինքը:

«Այսօր Գորիսում տեղի ունեցող ՏԻՄ ընտրութիւնները մէկ անգամ եւս ապացոյցն են այն բանի, որ Հայաստանի Հանրապետութիւնում գնալով խորանում է բռնատիրական ռեժիմը, եւ սեփական իշխանութիւնը պահելու, քաղաքական նպատակայարմարութեան հիւանդագին մոլուցքով տարուած իշխանութիւնները պատրաստ են ամէն տեսակի անօրինականութիւնների։ 

Գորիս համայնքում ընդդիմադիրի դիրքերից հանդէս եկող «Առուշ Առուշանեան» դաշինքի նկատմամբ իրականացուող բռնաճնշումների, ոստիկանական ուժերի մասշտաբային ներգրաւման, վարչական ռեսուրսների համատարած չարաշահման անթաքոյց վարքագիծը մէկ անգամ եւս բացայայտում են իշխանութեան ոչ-ժողովրդավարական եւ ապազգային դէմքը։ 

Արձանագրուող համատարած խախտումներն ու ապօրինութիւնները՝ այդ թւում ոստիկանական հոծ ուժերի կողմից «Առուշ Առուշանեան» դաշինքի շտաբի ներխուժումը, արդէն իսկ անազատութեան մէջ գտնվուղ Ա․ Առուշանեանի հօր նկատմամբ հետապնդումը գնահատում ենք, որպէս քաղաքական ահաբեկչութիւն, ընտրութեան բուն ընթացքում համայնքի խաղաղ բնակչութեան վրայ հոգեբանական ճնշումներ գործադրելու քստմնելի եւ դատապարտելի վարքագիծ։

Այս եւ արձանագրուած մի շարք խախտումներ, որոնք արձանագրուել էին նաեւ համապետական ընտրութիւնների ժամանակ, ինչպէս նաեւ տեղ են գտել այլ համայնքներում գալիս են հաստատելու, որ ներկայ իշխանութիւնները Սիւնիքում չունենալով հանրային հենարան՝ դիմում են համատարած խախտումների և ապօրինութիւնների, ձեւաւորելու իշխանութեան վարած ապազգային քաղաքական կուրսին հպատակ եւ հլու տեղական ինքնակառավարման մարմիններ։

Հայաստանում հաւատարմագրուած միջազգային կազմակերպութիւնների, իրաւապաշտպան կառոյցների ուշադրութիւնն ենք հրաւիրում այս հակասահմանադրական ընթացքի վրայ եւ յայտարարում, որ «Հայաստան» դաշինքը հետեւողական է լինելու երկրում սահմանադրականութիւնը վերականգնելու եւ իրաւունքի գերակայութիւն հաստատելու հարցում», կ'ըսուի յայտարարութեան մէջ։