22.09c
Երեվան
կրկ, մյս 17
Աշխատանքային այցով Պրիւքսէլ գտնուող վարչապետ Նիկոլ Փաշինեանն առանձնազրոյց ունեցած է Եւրոպական խորհուրդի նախագահ Շառլ Միշելի հետ։
Այս մասին կը տեղեկացնեն ՀՀ կառավարութենէն:
Զրուցակիցներն անդրադարձեած են այսօր նախատեսուած Հայաստանի Հանրապետութեան վարչապետ Նիկոլ Փաշինեանի, Եւրոպական խորհուրդի նախագահ Շառլ Միշելի եւ Ատրպէյճանի Հանրապետութեան նախագահ Իլհամ Ալիեւի եռակողմ հանդիպմանը եւ կարեւորած երկխօսութեան շարունակականութիւնը:
Նիկոլ Փաշինեանը ներկայացուցած է ատրպէյճանական ստորաբաժանումներու վերջին գործողութիւններու հետեւանքով Արցախի մէջ ստեղծուած իրավիճակը, մարդասիրական խնդիրներն ու ընդգծած է միջազգային հանրութեան հասցէական արձագանգի անհրաժեշտութիւնը:
ՀՀ վարչապետը եւ Շառլ Միշելը միտքեր փոխանակած են նախորդ տարուայ Դեկտեմբեր 14-ին Պրիւքսէլի մէջ կայացած եռակողմ հանդիպման ժամանակ ձեռք բերուած պայմանաւորուածութիւններու կատարման ընթացքի վերաբերեալ:
Կողմերը յոյս յայտնած են, որ այսօրուան եռակողմ բանակցութիւնները կ'ըլլան արդիւնաւէտ, որ կը նպաստէ կայունութեանն ու խնդիրներու համապարփակ կարգաւորման:
Նիկոլ Փաշինեանը եւ Շառլ Միշելը քննարկած են նաեւ Հայաստան-ԵՄ երկկողմ օրակարգին վերաբերող հարցեր, մասնաւորապէս, ԵՄ-ի կողմէ Հայաստանի համար յայտարարուած 2.6 միլիառ եւրոյի տնտեսական եւ ներդրումային ծրագրի իրագործման ընթացքը:
