-1.91c
Երեվան
չրք, փտր 25
ՀՀ մարդու իրաւունքներու պաշտպանի գրասենեակը արտահերթ զեկոյց պատրաստած է Ատրպէյճանի հետ շփման բոլոր տարածքներուն անվտանգութեան գօտիի անհրաժեշտութեան վերաբերեալ։
«Այցեր է կատարուել ՀՀ բոլոր սահմանային բնակավայրեր, մէկ տարի շարունակ անդադար մոնիթորինկ է իրականացուել Սիւնիքում եւ Գեղարքունիքում։ Զեկոյցում փաստերով ցոյց են տրուել վտանգները, բերուած են ապացոյցներ», այս մասին յայտարարեց ՀՀ մարդու իրաւունքներու պաշտպան Արման Թաթոյեան։
«Զեկոյցն ամբողջութեամբ հիմնուած է բաց աղբիւրների վրայ, որեւէ կերպ զեկոյցում չի ցուցադրւում Հայաստանում տեղակայումները, դիրքերը: Աւելին, այս զեկոյցի աշխատանքները եւս մէկ անգամ հիմք տուեցին համոզուելու, որ Հայաստանի սահմանապահ զօրքերի, ԶՈՒ ծառայողները իրականացնում են հերոսական ծառայութիւն՝ ունենալով բացառիկ առաքելութիւն՝ պաշտպանելու ՀՀ բնակիչների կեանքը, խաղաղ գոյակցութեան եւ մնացած բոլոր կենսական իրաւունքները», ըսաւ ան:
Թաթոյեան ըսաւ, որ փաստերով հիմնաւորած են ատրպէյճանական յանցաւոր ահաբեկչական արարքները. «Ցոյց տուել ենք կապը ատրպէյճանական իշխանութիւնների քաղաքականութեան եւ շարունակուող խախտումների միջեւ։ Հիմնաւորել ենք, որ անհրաժեշտ է անվտանգութեան գօտին։ Ատրպէյճանական դրօշները, զինուորականները, տարբեր սարքաւորումները, տեսախցիկները պէտք է հեռացուեն մեր գիւղերի անմիջական հարեւանութիւնից եւ մեր համայնքներն իրար կապող ճանապարհներից։ Առանց դրա չի կարող լինել իրաւունքների վերականգնում», յայտարարեց ՄԻ պաշտպանը՝ յաւելելով, որ հայկական կողմը պէտք չէ ետ քաշուի, անոնք պէտք է հեռանան, որովհետեւ զեկույցին մէջ ցոյց տրուած է, որ անոնց տեղցակայումները անօրինական են բոլորը առանց բացառութեան:
Ան ընդգծեց, որ սահմանազտման եւ սահմանագծման բացակայութեան պայմաններու մէջ հիմք չեն ընդունուած որեւէ միջազգային չափանիշ. «Ես կը ցուցադրեմ, որ խորհրդային ժամանակներից մարդկանց պատկանող հողերի վրայ այսօր ֆիզիքապէս ներկայ են Ատրպէյճանի զինուած ուժերը: Մենք հիմնաւորել ենք, որ սահմանների դելիմիտացիան և դեմարկացիան չի կարող համարուել լեկիթիմ, եթէ չի ապահովում մարդու իրաւունքները, չի համապատասխանում ժողովրդավարութեան եւ իրաւունքի գերակայութեան կանոներին եւ չի ապահովում մարդկանց բնականոն կեանքը», ըսաւ Թաթոյեանը:
