12.09c
Երեվան
կրկ, փտր 15
Միացեալ Նահանգներու զինուած ուժերը փետրուար 3-12-ին Սուրիոյ մէջ յարձակումներ գործած են «Իսլամական պետութիւն» խմբաւորման առնչուող աւելի քան 30 թիրախներու դէմ։ Այս մասին յայտարարած է ԱՄՆ Զինուած ուժերու Կեդրոնական հրամանատարութիւնը (CENTCOM)։
«CENTCOM-ի ուժերը փետրուար 3-12-ին Սուրիոյ մէջ 10 հարուած հասցուցած են «Իսլամական պետութիւն» աւելի քան 30 թիրախներու՝ խմբաւորման ահաբեկչական ցանցի մնացորդներուն վրայ անընդհատ ռազմական ճնշում գործադրելու նպատակով»,– նշուած է X ընկերային հարթակին մէջ հրապարակուած հաղորդագրութեան մէջ։
Հաղորդուած է, որ ամերիկեան օդուժը, ներառեալ անօդաչու թռչող սարքերը, հարուածած են խմբաւորման պատկանող զէնքի պահեստներն ու ենթակառուցուածքները։ Միաժամանակ նշուած է, որ յունուար 27-էն մինչեւ փետրուար 2-ը եւս հինգ հարուած հասցուած է «Իսլամական պետութեան»։
CENTCOM-ը յիշեցուցած է, որ Միացեալ Նահանգները սկսած է «Hawkeye Strike» գործողութիւնը այն բանէն ետք, երբ «Իսլամական պետութեան» ահաբեկիչները 2025 թուականի Դեկտեմբեր 13-ին Փալմիրայի մէջ յարձակում գործած էին ամերիկեան եւ սուրիական ուժերուն վրայ, որու հետեւանքով զոհուած էին երկու ամերիկացի զինծառայող եւ քաղաքացիական կարգավիճակ ունեցող մէկ թարգմանիչ, իսկ եւս երեք զինծառայող վիրաւորուած էր։
