27.09c
Երեվան
չրք, հնս 25
Հայաստանէն 12-ամեայ Սամուէլի կատարմամբ հայերէն երգը գրաւած է Ֆրանսայի մանկական «Ձայնը» նախագծի ժիւրիին։ Փաթրիք Ֆիորին, Ճենիֆըր Պարթոլին եւ գնչու երգիչ Քենժի Ժիրաքը չեն կրցած զսպել իրենց յոյզերը։
Սամուէլը կատարած է Արաբօ Իսպիրեանի «Տունն իմ հայրենի» երգը։ Տղան այս ստեղծագործութիւնն ընտրած է ի նշան յարգանքի իր արմատներուն հանդէպ, ինչպէս նաեւ Փաթրիք Ֆիորիին մտովի Հայաստան տեղափոխուելու հնարաւորութիւն տալու համար։
«Ան հայերէն կ'երգէ»,- զարմանքով նշած է Փաթրիքը։
Ամէն պարագայի, Սամուէլին՝ կոճակը սեղմելով առաջինն ընտրած է երգչուհի Ճենիֆըր Պարթոլին։
- Ես չէի գիտեր, որ սա հայերէն է, ես պարզապէս կը վայելէի մեղեդին… Ինչի՞ մասին է այս երգը,– հարցուցած է ան։
- Սա օտարականի երգ է, որուն հայրենիքը մնացած է սրտին մէջ,- պատասխանած է Սամուէլը։
- Շատ լաւ երգ է։ Ի դէպ, ես նոյնիսկ չէի գիտեր, որ Փաթրիք Ֆիորին հայ է։ Իսկ առահասարակ այս երգն ինծի գնչուներու արեւելեան երգերը յիշեցրեց,- նշած է ծագումով գնչու, Ֆրանսայի մէջ յայտնի երգիչ Քենժի Ժիրակը։
- Կը հասկանա՞ս ինչի մասին կը խօսին,- Փաթրիք Ֆիորիին դիմած է Քենժին։
- Ի հարկէ,- պատասխանած է ան։
Ֆիորին, որ Ճենիֆըրէն ետք սեղմած է կոճակը, եւս հիացած էր։ «Ես կը հպարատանամ քեզմով։ Հայաստանը երկիր է, որուն ես կապուած եմ։ Այն իմ արմատներուն մէկ մասն է։ Քեզի կ'առանձնացնեն համեստութիւնն ու լաւ դաստիարակութիւնը»,- ըսած է ան Սամուէլին, որ անոր խումբը ընտրած է։ Ի պատասպան, Փաթրիքը հիացած ըսած է. «Շատ, շատ բարեւ»։
Ի դէպ, Սամուէլը Ֆրանսա տեղափոխուած է, երբ ան վեց տարեկան էր եւ կ'ապրի Մարսէյլի մէջ։
