7.09c
Երեվան
երկ, հկտ 19
Օրերս Սուրիոյ բանակային զինուորագրման բաժանմունքի պատասխանատուներ յաջողած են բացայայտել պարտադիր եւ պահեստային տաիքի մէջ գտնուող շարք մը քաղաքացիներու «ճամբորդութեան արգելք չունենալու» համար եղած փաստաթուղթերու կեղծ ըլլալը: Այս մասին լուրը տուած է «Ալ Տիար»ը, որ նաեւ յայտնած է թէ կեղծուած փաստաթուղթերը, բացայայտուած են Սուրիոյ գաղթի եւ անձնագրերու վարչութեան կողմէ:
«Ալ-Ուաթան» թերթի հրապարակած յայտարարութեան մէջ նշուած է, որ «ճամբորդութեան արգելք չունենալու» որեւէ թուղթի մասին կասկածելու պարագային կապ պիտի հաստատուի զօրակոչային բաժնին հետ, ստուգելու համար իւրաքանչիւր պարագայի ունեցած թուղթերուն ճշդութիւնը:
Կը փոխանցուի նաեւ, որ փաստաթուղթեր կեղծողներն ու զանոնք կրողները պիտի ենթարկուին պատժական տնօրինումներու:
