32.44c
Երեվան
կրկ, հնս 21
«ACAPS» ուսումնասիրութիւններու կազմակերպութիւնը յօդուած մը հրապարակելով յայտնած է, թէ յառաջիկայ տարուան ընթացքին մարդասիրական ճգնաժամերն ամբողջ աշխարհի մէջ պիտի շարունակեն զգալիօրէն աճիլ, եւ Ափրիկէի մէջ ընթացող քաղաքացիական պատերազմները սովի պիտի մատնեն տարածաշրջանը:
150 երկիրներու մէջ տիրող իրավիճակն ուսումնասիրութեան ենթարկած կազմակերպութիւնը մշակած է յառաջիկայ տարուան համար կանխագուշակութիւններու իր ցուցակը:
Կազմակերպութեան տնօրէն Լարս Փիթըր Նիսընի կարծիքով, եթէ 2017 թուականը վատ տարի մըն էր, 2018 թուականին սպասուելիքներն աւելի դրական չեն: Հաւանական է, որ Աֆղանիստանի, Քոնկոյի, Լիպիայի, Եթովպիոյ, Մալիի, Սոմալի եւ Սուրիոյ մէջ բռնութիւններն ու անկայուն վիճակն աւելի սրուին:
Յօդուածին համաձայն, յառաջիկայ տարուան ընթացքին Եթովպիա սովի վտանգին առջեւ պիտի կանգնի:
Նշուած է նաեւ, որ իսլամական ծայրայեղութեան պատճառով պիտի շարունակուին սպանութիւններն ու հակամարտութիւնները:
