14.09c
Երեվան
ուրբ, ապր 25
Միացեալ Նահանգներու նախագահ Տանըլտ Թրամփ յայտարարած է, որ անհրաժեշտ կը համարէ Ուքրանիոյ մէջ խաղաղապահ ուժեր տեղակայելը։ Միեւնոյն ժամանակ, ըստ Թրամփի, այդ ուժերը պէտք է տեղակայուին այնպիսի ձեւով, որ ընդունելի ըլլան հակամարտութեան բոլոր կողմերու համար։
«Մեզի պէտք են խաղաղապահներ... բոլորի համար ընդունելի ձեւով», -ըսած է Թրամփ: Անոր խօսքով, ապագային Ուքրանիոյ օգնութիւն տրամադրելու պատասխանատւութիւնը պէտք է կրէ Եւրոպան, ոչ թէ Միացեալ Նահնգները։
«Կը կարծեմ, որ ընդհանուր առմամբ Եւրոպան պատասխանատւութիւն պիտի կրէ ատոր համար»,-ըսած է ան։
Կը սպասուի, որ փետրուար 27-ին Մեծ Բրիտանիոյ վարչապետ Քիր Սթարմըրը Տանըլտ Թրամփին ներկայացնէ Ուքրանիոյ մէջ մինչեւ 30,000 եւրոպացի զինծառայողներ տեղակայելու ծրագիրը։ Այս ծրագիրը մշակուած է Մեծ Բրիտանիոյ եւ Ֆրանսայի կողմէ. Փարիզն ու Լոնտոնը կ՚ուզեն, որ Միացեալ Նահնգները ապահովէ կրակային աջակցութիւնը՝ այն է՝ կործանիչներու եւ այլ սարքաւորումներու տեղակայումն Ուքրանիոյ հարեւան երկիրներու մէջ, գրած է The Telegraph թերթը։
