29.09c
Երեվան
չրք, օգս 27
Իրենց ուսումը շարունակելու նպատակով ուքրանական համալսարաններ յաճախող հարիւրաւոր լիբանանցի ուսանողներ փախուստ կու տան Ուքրանիայէն եւ կը փափաքին վերադառնալ Լիբանան:
Այս շրջագիծին մէջ, երէկ երեկոյեան ժամը 9:00-ին Լիբանան հասաւ «Միտըլ Իսթ» օդանաւային ընկերութեան մէկ օդանաւը, որ 105 լիբանանցիներ փոխադրեց Լիբանան:
Օդանաւը, որուն մէջ կը գտնուէր նաեւ Շտապ օգնութեան գերագոյն խորհուրդի պետ Մոհամետ Խէյր, երէկ հասաւ Վարշաւա, ուր համախմբուած էին Ուքրանիայէն հասած լիբանանցիներ:
«Միտըլ իսթ» ընկերութեան պատկանող օդանաւը լիբանանցի ուսանողները փոխադրեց Պէյրութ:
Նշենք, որ Խէյր Վարշաւայի մէջ այցելած էր Լեհաստանի լիբանանեան դեսպանատունը եւ անոր հետ համադրած լիբանանցիներուն տունդարձի բոլոր մանրամասնութիւնները:
Պէյրութի միջազգային օդակայանին մէջ լիբանանցի ուսանողները ջերմօրէն ու յուզումով դիմաւորուեցան իրենց ծնողներուն եւ հարազատներուն կողմէ:
Լուրը՝ «Ազդակ»էն
