0.09c
Երեվան
երք, փտր 03
«Տաշիր փիցա» հանրային սնունդի կէտերէն օգտուած եւ «աղիքային վարակին» բնորոշ ախտանիշներով ընդհանուր դէպքերը կազմած են 122, որոնցմէ 21-ը մինչեւ 18 տարեկան են, տեղեկացուցած է Առողջապահութեան նախարարութիւնը:
6 Նոյեմբերի՝ ժամը 16:00-ի դրութեամբ բուժումը կը շարունակեն 88 քաղաքացի, որոնցմէ 19-ը՝ մինչեւ 18 տարեկան: 34 հիւանդ, որոնցմէ 2-ը՝ մինչեւ 18 տարեկան, հիւանդանոցէն դուրս գրուած է: Հիւանդանոց փոխադրուած հիւանդներէն 64-ը բուժօգնութիւն կը ստանայ Ինֆեկցիոն (վարակային) հիւանդութիւններու ազգային կեդրոնէն ներս, որոնցմէ 18-ը մինչեւ 18 տարեկան են:
Տասը քաղաքացի բուժօգնութիւն կը ստանայ «Արմենիա» հանրապետական բժշկական կեդրոնէն ներս, որոնցմէ 1–ը՝ մինչեւ 18 տարեկան, 12-ը՝ Միքայէլեան վիրաբուժութեան հիմնարկէն ներս եւ 2-ը՝ Մարտունիի բժշկական կեդրոնէն ներս։
Հիւանդներու 6-ի առողջական վիճակը ծանր է, միւսներունը՝ բաւարար:
