4.09c
Երեվան
ուրբ, փտր 20
Հայաստանի ԱԳՆ խոսնակ Վահան Յունանեան նշած է.
«Նոյեմբերի 26-ի Սոչիի եռակողմ յայտարարութիւնը մի քանի կարեւոր արձանագրում է կատարում:
Առաջին՝ Սոչիի յայտարարութիւնով կողմերը վերահաստատում են իրենց պարտաւորութիւնը 2020թ․ Նոյեմբերի 9-ի եռակողմ յայտարարութեան բոլոր դրոյթների հետեւողական եւ անվերապահ իրականացման վերաբերեալ։ Սա վերաբերում է նաեւ Ատրպէյճանի կողմից մինչ այժմ չկատարուած, Նոյեմբերի 9-ի յայտարարութեան 8-րդ կէտով ամրագրուած՝ ռազմագերիների, պատանդների եւ այլ պահուող անձանց վերադարձին եւ այլ կէտերով չկատարուած պարտաւորութիւններին։
Երկրորդ՝ Նոյեմբերի 26-ի Սոչիի յայտարարութեամբ եւս մէկ անգամ վերահաստատւում է Յունուարի 11-ի յայտարարութեամբ արձանագրուած տարածաշրջանում տրանսպորտային բոլոր ուղիների ու տնտեսական կապերի ապաշրջափակման դրոյթը եւ հերթական անգամ հերքւում են «միջանցքի» կամ միջանցքային տրամաբանութեան մասին տարածուող քարոզչական թեզերը:
Եւ երրորդ՝ ըստ յայտարարութեան, պայմանաւորուածութիւն է ձեռք բերուել հայ-ատրպէյճանական սահմանին կայունութեան եւ անվտանգութեան մակարդակը բարձրացնելուն ուղղուած քայլեր ձեռնարկել: Իսկ այդ ուղղութեամբ առաջնային ու առաւել կարեւոր քայլը պէտք է լինի լարուածութեան նուազեցմանը միտուած քայլերի իրականացումը։
Համոզված ենք նաեւ, որ եռակողմ յայտարարութիւնների դրոյթների լիարժէք կեանքի կոչումը կը նպաստի Լեռնային Ղարաբաղի հակամարտութեան խաղաղ կարգաւորմանը՝ ԵԱՀԿ Մինսքի խմբի համանախագահութեան մանտաթի ներքոյ»։
