«Սրբազանի ողջ կեանքը վկայութիւն էր, թէ հաւատքի զօրութիւնը գործի մէջ է». Գերշ. Տ. Մեսրոպ եպս. յարգանքի տուրք մատոյց՝ Հոգելոյս Սիմոնեան Սրբազանի շիրիմին

 «Սրբազանի ողջ  կեանքը վկայութիւն էր, թէ հաւատքի զօրութիւնը գործի մէջ է». Գերշ. Տ. Մեսրոպ եպս. յարգանքի տուրք մատոյց՝ Հոգելոյս Սիմոնեան Սրբազանի շիրիմին

 ԱՄՆ Արեւելեան Թեմի Թեմակալ Առաջնորդ՝ Գերշ. Տ. Մեսրոպ եպս. Պարսամեան, որ օրերս կը գտնուէր Գալիֆորնիա յարգանքի տուրք մատուցած է Արեւելեան Թեմի երբեմնի սիրուած առաջնորդներէն՝ Հոգելոյս սրբազան Գերշ. Տ. Եղիշէ եպս. Սիմոնեանին։

«Արեւելք» այս մասին տեղեկացաւ Թեմի դիմատետրի պաշտօնական էջէն, ուր Հայր Մեսրոպ Պարսամեան նշած է՝

Արեւմտեան թեմ այցելութեանս, խոկումով եւ մտորումներու մէջ կանգնեցայ Եղիշէ եպիսկոպոս Սիմոնեանի դամբարանին առջեւ։ Ան իր կեանքը նուիրած էր Աստուծոյ եւ մեր Թեմին ծառայութեան ու անջնջելի հետք ձգած՝ Նիւ Եորքի Ափթաուն շրջանի, Հայաստանեայց Առաքելական Սուրբ Խաչ եկեղեցւոյ վրայ՝ անմնացորդ նուիրումով եւ անսահման սիրով սնուցանելով անթիւ անհատներու հոգեւոր աճը։

Իր վերջին տարիներուն, եպիսկոպոս Սիմոնեանը ծառայած էր, որպէս Արեւմտեան Թեմի Առաջնորդ, ուր ան շարունակած էր համայնքին մէջ ցանել սիրոյ, հաւատքի եւ միասնութեան սերմերը: Անոր ժառանգութիւնն է անխոնջ ծառայութիւնը, խոր հեզութիւնը եւ Աւետարանին հանդէպ անդրդուելի նուիրուածութիւնը:

Երբ կանգնած էի շշնջացող ծառերուն տակ, միտքս եկաւ մեր եկեղեցւոյ առաջնորդներուն ձգած ժառանգութիւնը, որոնք ճանապարհ հարթեցին մեզի, իրենց իմաստութեամբ, զոհաբերութեամբ եւ բարեպաշտ առաջնորդութեամբ: Եպիսկոպոս Սիմոնեանին կեանքը վկայութիւն մըն էր, թէ հաւատքի զօրութիւնը գործի մէջ է ։ Անոր յիշատակը կը շարունակէ ոգեշնչել մեզ՝ ապրելու մեր կոչումը նոյն եռանդով եւ նուիրումով:

 

Թող անոր հոգին յաւերժ խաղաղութիւն գտնէ Տիրոջ գիրկը, եւ մենք յարգենք անոր յիշատակը՝ մարմնաւորելով անոր ապրած արժէքները: